नेपाली कांग्रेसका नेता प्रकाशमान सिंहले १५ औं महाधिवेशन निष्पक्ष बनाउनुपर्ने बताएका छन्।
संस्थापनइतर पक्षले आज गरेको राष्ट्रिय भेलामा बोल्दै उनले महाधिवेशन निष्पक्ष बनाउन सके चुनौतीहरू सामना गर्न पार्टीले पनि योगदान गर्न सक्ने बताए।
‘लोभ र डर मनबाट हटाउनुपर्ने बेला आएको छ। देखिरहेको छु- बाटो अपनाएको ठिक छैन भनेर बेठिक बाटोबाट हिँड्न दुष्प्रयास भएको छ। विधिसम्मत र नियमसम्म तवरले १५ औं महाधिवेशनको वातावरण बनायो भने चुनौती सामना गर्न पार्टीलाई योगदान पुर्याउन सक्छ,’ उनले भने।
उनले पुराना दलहरूलाई गाली गर्दैमा र सामाजिक सञ्जालबाट देशको शासन नचल्ने पनि बताए।
‘सामाजिक सञ्जालबाट शासन चल्दैन भन्ने ४ महिनाबाट प्रमाणित भइसक्यो। मल छैन। ग्यास छैन। महँगी बढेको छ,’ उनले भने, ‘सामाजिक सञ्जालबाट शासन गर्दैमा हुने हो यो? जनताको यथार्थ बुझ्न परेन? त्यो बुझ्ने कांग्रेसले हो।’
