मलेसियाका लागि नेपाली राजदूत डिल्लीराज पौडेलविरूद्ध अख्तियार दुरूपयोग अनुसन्धान आयोगमा उजुरी परेको छ।
एनआरएनएको नेतृत्वमा मलेसियामा रहेका विभिन्न राजनीतिक दलका संगठनहरूले राजदूत पौडेल विरूद्ध उजुरी हालेका हुन।
आफ्नो अख्तियारीबाट बाहिर गएर राजदूत पौडेलले वैदेशिक रोजगारीका लागि मलेसिया जाने श्रमिक हकहित विरूद्ध काम गरेको उनीहरूको आरोप छ।
गत डिसेम्बर २३ तारिखमा मलेसियाको निजी कम्पनी फरेन वर्कर वेलफेयर म्यानेजमेन्ट सेन्टर र वैदेशिक रोजगार बोर्डबीच एक संम्झौता भएको थियो जसमा मलेसिया जाने कामदाहरूसँग ४५ अमेरिकी डलर सेन्टरले लिन पाउनु पर्ने उल्लेख थियो।
मलेसिया जाने कामदारसँग थप आर्थिकभार पारेको भन्दै आफूहरूले अख्तियारमा राजदूतसँगै बोर्डका कार्यकारी निर्देशक द्वारिकाउप्रेतिविरूद्ध उजुरी हालेको एनआरएन एसिया प्रशान्त क्षेत्रिय संयोजक हरि भट्टराइले जानकारी दिए।
बोर्ड र राजदूत मिलेर गरिएको यो सम्झौता खारेज गर्न उनले माग उनले गरे। यो सम्झौता त्रृटिपूर्ण रहेको प्रवासी नेपाली एकता समाजका पूर्व अध्यक्ष योगेन्द्र कुँवरले जानकारी दिए।
कुनै विदेशी वा निजी संघसंस्थालाई यस्तो अनुमति दिनु अघि मन्त्रिपरिषदबाट स्विकृति दिनुपर्नेमा त्यो पनि नभइ षड्यन्त्रपूर्वक यस्तो संम्झौता गरिएको भन्दै मलेसियामा रहेका नेपाली संघसंस्थाले आपत्ति जनाएका छन्।
-1746009348.jpg)
