झापामा करेन्ट लागेर एउटा जंगली हात्ती मरेको छ।
कमल गाउँपालिका-३ मा रहेको रतुवामाई वृक्षारोपण आयोजनामा रहेको बिजुली पोलले हात्तीलाई करेन्ट लागेर मरेको जिल्ला प्रहरी कार्यालय झापाले जनाएको छ।
सोमबार राति फलामको पोल धकेल्दा माथिबाट तार सर्ट भई हात्तीलाई करेन्ट लागेको हो।
करेन्टले हात्तीको सुड र एउटा दारा जलेका छन्।
मंगलबार बिहान हात्ती मरेको अवस्थामा फेला परेको हो। घटनास्थललाई सुरक्षित राखेर प्रहरीले सब डिभिजन वन कार्यालय चुलाचुलीलाई बोलाएको थियो।
कार्यालयले कानुनी प्रक्रिया अघि बढाएको छ।
