राष्ट्रपति रामचन्द्र पौडेलले काठमाडौं उपत्यकाका महत्वपूर्ण शक्तिपीठहरूको दर्शन गरेका छन्।
मंगलबार राष्ट्रपति पौडेलले काठमाडौंको नक्साल भगवतीमा पुगेर पूजा आराधना गरेका हुन्।
पूजा आराधना र दर्शन गर्नुका साथै उनले टीका र प्रसाद ग्रहण गरेका हुन्।
दसैंका अवसरमा हरेक वर्ष राष्ट्र प्रमुखको हैसियतमा उपत्यकाका विभिन्न शक्तिपीठको दर्शन गर्ने परम्परा रही आएको छ।
बडा दसैंको आठौं दिन आज मुलुकभर माता दुर्गा भवानीको पूजा आराधना गरी मनाइएको छ।
काठमाडौं उपत्यकाका दक्षिणकाली, गुह्येश्वरी, मैतीदेवी, कालिकास्थान, नक्शाल भगवती, भद्रकाली, शोभा भगवती, सङ्कटा आदि शक्तिपीठमा पूजाअर्चना गर्ने प्रचलनअनुरूप दर्शनार्थीको घुइँचो छ।
त्यसैगरी, राजधानी बाहिरका चर्चित शक्तिपीठमा पनि आज महागौरी भगवतीको पूजाअर्चना गरेर महाष्टमी मनाइएको छ। —न्युज एजेन्सी नेपाल
-1759237181.jpg)
-1746009348.jpg)
