प्रहरी वृत्त गौशालामा आगजनी गरेको आरोपमा प्रहरीले एक जनालाई पक्राउ गरेको छ।
काठमाडौं उपत्यका प्रहरी कार्यालयका अनुसार प्रहरीले भदौ २४ गते गौशाला वृत्तमा आगजनी र तोडफोड गरेको आरोपमा एक जनालाई पक्राउ गरेको हो।
पक्राउ पर्नेमा धरानका घर भई गुहेश्वरी बस्ने २१ वर्षीय पासाङ भन्ने सुरज राई छन्।
उनी लागुऔषध मुद्दामा पक्राउ परी गौशालाको हिरासतमा थिए। भदौ २४ गतेको आन्दोलनपछि गौशाला वृत्तको हिरासतबाट निस्किएका थिए।
त्यहाँबाट निस्किन बित्तिकै आगजनी र तोडफोडमा संलग्न भएको देखिएपछि प्रहरीले पक्राउ गरेको हो। भिडिओमा देखिएको आधारमा उनलाई पक्राउ गरेको प्रहरीले जनाएको छ।
-1746009348.jpg)
