मोरङमा नेकपा एमालेका नेता महेश बस्नेतको कारमा रातो रङ छ्याप्ने दुई युवा छुटेका छन्।
आइतबार बिहान विराटनगर विमानस्थल सडक नजिकै दुई जनाले बस्नेत चढेको गाडीमा रातो रङ छ्यापेका थिए।
रङ प्रहार गरेपछि प्रहरीले संजोग गौतम र अर्पित कुँवरलाई नियन्त्रणमा लिएको थियो।
उनीहरू दुवै आइतबार साँझ छुटेको जिल्ला प्रहरी कार्यालय मोरङकी डिएसपी कोपिला चुडालले जानकारी दिइन्।
बस्नेत इटहरीमा भएको कार्यक्रममा सहभागी हुन पुगेका थिए।