अख्तियार दुरूपयोग अनुसन्धान आयोगले नक्कली पिएचडी देखाएर नियुक्ति लिएको भन्दै ४ प्राध्यापक विरूद्ध भ्रष्टाचार मुद्दा दर्ता गरेको छ।
त्रिभुवन विश्वविद्यालयको सहपरीक्षा नियन्त्रक नियुक्त गर्ने र लिने ४ प्राध्यापक विरूद्ध बुधबार विशेष अदालतमा मुद्दा दर्ता भएको हो।
सहपरीक्षा नियन्त्रक छनोट समितिका संयोजक प्रा.डा जयलक्ष्मी प्रधान, सदस्य प्रा.डा मोतिलाल शर्मा, प्रा.डा मेघराज पोख्रेल र तत्कालीन सहपरीक्षा नियन्त्रक सह-प्राध्यापक डिल्लीराम प्रसाईविरूद्ध मुद्दा दर्ता गरेको अख्तियारको प्रवक्ता राजेन्द्रकुमार पौडेलले जानकारी दिए।
समितिका तीन संयोजकले पिएचडी (विद्यावारिधि) नगरी झुटा विवरण पेस गरेका व्यक्तिलाई सहपरीक्षा नियन्त्रणको सहप्राध्यापकलाई नियुक्ति दिइएको आरोप छ।
उनका अनुसार २०८१ भदौ १७ र २२ गते गोरखापत्र दैनिकमा ७ दिनको म्याद राखेर सूचना जारी गरिएको थियो। जसमा क्षेत्रीय परीक्षा नियन्त्रण कार्यालयमा १ जना सहपरीक्षा नियन्त्रकको आवश्यक रहेको भनिएको थियो।
उक्त सूचनाको आधारमा ६ जानले आवेदन पेस गरेका थिए।
त्यसमध्ये १ जनालाई छान्नका लागि पद्यकन्या क्याम्पसमा कार्यरत प्रा.डा जया लक्ष्मी प्रधान र रसायन शास्त्र विभागमा कार्यरत प्रा.डा मोतिलाल शर्मा र प्रा.डा मेघराज पोख्रेल रहने गरी तीन सदस्यीय छनोट समिति गठन गरिएको थियो।
समितिलाई सह-परीक्षा नियन्त्रक छनोट गरी नियुक्ति गर्ने जिम्मेवारी दिएको अख्तियारको पौडेलले जानकारी दिए।
उनीहरूले २०८१ मंसिर १८ गते सहपरीक्षा नियन्त्रक पदमा १९ गतेदेखि लागू हुनेगरी नियुक्ति दिलाएको देखिएको छ। बदनीयतपूर्वक झूटा विवरण पेस गरेको व्यक्तिलाई समितिले नियुक्ति गरिएको पाइएको अख्तियारको पौडेलले बताए।
-ink-1757668414.jpeg)
-1746009348.jpg)
