सुनसरीबाट डेढ सय किलो गाँजासहित एक जना पक्राउ परेका छन्।
सशस्त्र प्रहरी बलको टोलीले इनरूवा नगरपालिका-७ स्थित चाँदवेलाबाट बिहीबार बिहान १५३ किलो गाँजासहित २० वर्षीय आदित्य चौधरीलाई नियन्त्रणमा लिएको प्रवक्ता तथा सशस्त्र प्रहरी नायब महानिरीक्षक (डिआइजी) मनिष थापाले जानकारी दिए।
चाँदवेलाबाट दक्षिणतर्फ जाँदै गरेको बा १५ च २१७३ नम्बरको गाडी र को २७ प ८३३१ नम्बरको मोटरसाइकललाई जाँच गर्दा प्लाष्टिकको प्याकेटमा बेरेर राखिएको गाँजा फेला परेको थियो।
सो गाँजा सशस्त्र प्रहरी बल नेपाल बोर्डर आउट पोष्ट साहेवगंजबाट खटिएको सुरक्षा फौजले नियन्त्रणमा लिएको हो।
गाँजा बोकेर ल्याउँदै गरेको गाडीलाई अरू मोटरसाइकलले स्टर्किङ गरेको थियो। गाँजा नियन्त्रणमा लिनलाई सशस्त्र प्रहरीले एक राउण्ड हवाइ फायर समेत गरेको थियो।
नियन्त्रणमा लिइएका व्यक्ति गाडीका चालक हुन्। मोटरसाइकल चालकहरू भने फरार छन्।
-1746009348.jpg)
