हङकङको अपार्टमेन्टमा बुधबार भएको आगलागीमा परी मृत्यु हुनेको संख्या ९४ पुगेको छ।
ताइ पो जिल्लाको वाङ फुक कोर्ट भनिने आवासीय क्षेत्रको ७ वटा अपार्टमेन्ट भवनमा लागेको आगोमा परी मृत्यु हुनेको संख्या शुक्रबारसम्म ९४ पुगेको अन्तर्राष्ट्रिय समाचार संस्था रोयटर्सले जनाएको छ।
आगो नियन्त्रणमा आएपछि उद्धारकर्मीहरू जलेको भवनभित्र मानिसहरू खोजिरहेका छन्। रोयटर्सका अनुसार २७९ जना अझै बेपत्ता छन्।
बुधबारदेखि आगलागी हुँदा पनि २७९ जना बेपत्ता भनिएको थियो।
घाइतेहरुको उपचार भइरहेको छ। आगलागीमा ६२ जनाभन्दा बढी घाइते भएका थिए। तीमध्ये धेरैको अवस्था गम्भीर छ।
त्यसकारण पनि मृत्यु हुनेको संख्या बढ्न सक्ने स्थानीय अधिकारीहरूले बताएका छन्।
बुधबार दिउँसो २:५१ बजे एउटा ३२ तले अपार्टमेन्ट भवनबाट सुरू भएको आगलागीले वरपरका थप भवन पनि सल्काएको थियो।
ती आवासीय भवनहरूमा २ हजार भन्दा बडी अपार्टमेन्ट रहेको र ४ हजार ८ सय जनाभन्दा बढी मानिसहरूको बसोबास रहेको एपीले जनाएको छ।
-1764219208.jpg)
-1756446574.jpg)
-1746009348.jpg)
