काठमाडौंको सेन्ट जेभियर्स कलेजमा मिडिया टक सिरिज भएको छ।
मिडिया टक सिरिज ४० औं सिरिज सकिएको हो।
यसपटकको सिरिज भदौ २३ र २४ गतेको जेनजी पुस्ताको आन्दोलनका विषयमा केन्द्रित थियो।
उक्त कार्यक्रमका वक्ताहरूले हालैको जेनजी आन्दोलनले देशमा गहिरिँदो ‘स्टेट अफ क्याप्चर’लाई अझ स्पष्ट रूपमा उजागर गरेको उल्लेख गरेका थिए।
कार्यक्रममा संसदीय तथा उत्तरदायित्वसम्बन्धी रिपोर्टिङका विज्ञ वरिष्ठ पत्रकार हरिबहादुर थापाले सेन्ट जेभियर्स कलेजमा भएको मिडिया टक सिरिजमा बोल्दै भने, ‘भ्रष्टाचार विरुद्धको लडाइँलाई आजको युवाले गहिरोसँग बुझेर यसैमा जुध्नुपर्छ।’
कार्यक्रममा भ्रष्टाचारविरोधी अभियानी तनुजा पाण्डेले 'नेताहरूको देवत्वकरण गर्ने प्रवृत्ति अन्त्य हुनुपर्ने र नागरिकहरूले आफ्ना निर्वाचित प्रतिनिधिलाई उत्तरदायी बनाउन जिम्मेवारी लिनुपर्ने' बताएकी थिइन्।
सेन्ट जेभियर्सका प्राचार्य अगस्टिन थोमस एस.जेले भ्रष्टाचारले समाजमा असर पार्ने उल्लेख गरेका थिए। यो कार्यक्रम कलेजको पत्रकारिता संकायले आयोजना गरेको थियो।
कार्यक्रमले भ्रष्टाचारले कसरी साधारण नागरिकको अवसर सीमित बनाइरहेको छ र सुशासनलाई कमजोर पारिरहेको छ भन्ने विषयलाई उजागर गरेको थियो।
पत्रकारिता संकाय प्रमुख तथा मिडिया टक सिरिजका संयोजक चुनबहादुर गुरूङले 'सत्ता र पैसा भएकाहरूको हातमा सारा शक्तिकेन्द्रित' रहेको उल्लेख गरेका थिए।
-1746009348.jpg)
