राष्ट्रिय अनुसन्धान विभागका तत्कालीन प्रमुख हुतराज थापाको बयान सकेसँगै काठमाडौं उपत्यका छाड्न नपाउने गरी गरेको निर्णय फिर्ता भएको छ।
भदौ २३ र २४ गते भएको घटनाको सम्बन्धमा छानबिन गर्न बनेको जाँचबुझ आयोगले उनलाई काठमाडौं उपत्यका छाड्न नपाउने गरी गरेको निर्णय फिर्ता भएको प्रवक्ता तथा आयोगका सदस्य विज्ञानराज शर्माले जानकारी दिए।
‘उहाँको बयान सकिएको छ। बयान सकेपछि त्यो निर्णय फिर्ता भयो,’ उनले भने।
आयोगले थापालाई विदेश जान पनि रोक लगाएको थियो।
उनीसँगै तत्कालीन प्रधानमन्त्री केपी शर्मा ओली, गृहमन्त्री रमेश लेखक, गृहसचिव गोकर्णमणि दुवाडी र नेपाल प्रहरीका तत्कालीन आइजिपी चन्द्रकुबेर खापुङलाई पनि स्थान हद तोकेको थियो।
अन्य कसैको पनि आयोगले बयान लिइसकेको छैन। उनीहरूको पनि बयान लिने तयारी आयोगले गरिरहेको छ।
-1746009348.jpg)
