पर्सामा कारमा ओसार्दै गरेको एक टन गाँजासहित दुई जना पक्राउ परेका छन्।
पटेर्वासुगौली गाउँपालिका-२ रंगपुरबाट एउटा कारमा ओसार्दै गरेको १०४ किलो गाँजासहित दुई जनालाई पक्राउ गरेको जिल्ला प्रहरी कार्यालय पर्साका डिएसपी राजु कार्कीले जानकारी दिए।
उनका अनुसार बिएबी ९३९८ नम्बरको कार मनवाबाट रंगपुरतर्फ जाँदै थियो।
इलाका प्रहरी कार्यालय पटेर्वासुगौलीबाट खटिएको टोलीले सवारीसाधन जाँच गरिरहेको थियो।
त्यसक्रममा उक्त कारभित्र हेर्दा १०४ किलो गाँजा प्याकिङ गरेको अवस्थामा फेला परेको डिएसपी कार्कीले बताए।
उक्त कारमा सवार मकवानपुर भिफेदीका ३२ वर्षीय चालक भिम स्याङ्तान र मकवानपुरगढीका ३८ वर्षीय कुमार स्याङतान पक्राउ परेका छन्।
उनीहरूमाथि प्रहरीले म्याद थप गरी अनुसन्धान अघि बढाएको छ।
-1764738363.jpg)
-1746009348.jpg)
