मोरङको जहदा गाउँपालिका–७ तरिगामा बुधबार राति दाजुभाइ बीचको झगडाका क्रममा भाइको मृत्यु भएको छ।
दाजुको धारिलो हतियार प्रहारबाट गम्भीर घाइते भएका २८ वर्षीय श्रवणकुमार साहको उपचारका क्रममा मृत्यु भएको जिल्ला प्रहरी कार्यालय मोरङले जनाएको छ।
प्रहरी निरीक्षक लेखनाथ दाहालका अनुसार राति करिब पौने ९ बजेतिर श्रवण र उनका दाजु ३० वर्षीय राजकुमार साहबीच सामान्य विवाद भएको थियो। राजकुमार श्रवणका काकाका छोरा हुन्।
विवाद चर्किएपछि राजकुमारले धारिलो हतियार प्रयोग गरेको र सोही प्रहारले श्रवणको बायाँ छातीमा गम्भीर चोट लागेको थियो।
घाइते श्रवणलाई तत्कालै बुढीगंगा–स्थित विराट टिचिङ अस्पताल लगिएको थियो। तर, उपचारका क्रममा राति नै उनको मृत्यु भएको प्रहरीको विवरणमा उल्लेख छ।
घटनापछि राजकुमार भागेको प्रहरीको भनाइ छ। घर नजिकै रहेको भारतीय सीमा करिब १०० मिटर टाढा मात्रै भएकाले उनी सहजै फरार हुन सफल भएको प्रहरीले जनाएको छ।
-1746009348.jpg)
