जेन–जी अभियनी मिराज ढुंगानाले प्रधानमन्त्री सुशीला कार्कीलाई जेन–जी आन्दोलनको अपमान नगर्न आग्रह गरेका छन्।
उनले निर्वाचन पछिको सरकारले देशको विकासका लागि ठोस काम गर्ने अपेक्षा आफूहरूले नगरेको पनि बताए।
उनले पुराना दलका नेताहरूको सरकारमा पुनः आगमन हुने सम्भावनाप्रति चिन्ता व्यक्त गरे।
ढुंगानाले अन्तरिम सरकार देश विकासमा असफल भएको अवस्थामा प्रधानमन्त्री कार्कीले राजीनामा दिनुपर्ने माग गरे।
अन्तरिम सरकार हाइज्याक भएको भन्दै जेन–जी युवाहरूको माग सम्बोधन नभएको ढुंगानाले बताए।
उनले भने, ‘आगामी कार्यक्रम भनेको चाहिँ हामीले देश विकास होस्, आन्दोलन पछिको सरकारले नगरे अब आउने वाला निर्वाचित सरकारले गर्छ, ती पुराना शक्तिहरू अथवा पात्रहरूले गर्छन् भन्ने त आश नै गर्न सकिँदैन। किनभने हामीले त बारम्बार विश्वास गरिरहेको हो। आन्दोलनको सरकारले पनि यदि विकास गर्न सक्दैन भने केहीले गर्न सक्दैन त्यही भएर आन्दोलनको बेइज्जत नगरिदिनुहोस् प्रधानमन्त्रीज्यू, तपाईं बरू सक्नुहुन्न भने राजीनामा दिनुहोस्। बाँकी काम हामी सबै मिलेर गोलमेच भनौं न एउटा चाहिँ अन्तर्क्रिया गरेर त्यसपछि गरौँला तपाईं सक्नुहुँदैन भने छाडिदिनुहोस्।’
–न्युज एजेन्सी नेपाल
-1746009348.jpg)
