सल्यानमा बस दुर्घटना हँदा चालक घाइते भएका छन्।
सल्यानबाट दाङको तुलसीपुर आउँदै गरेको ना ४ ख ६२३२ नम्बरको बस सोमबार बिहान साढे ७ बजेतिर सडकबाट अन्दाजी ४५ मिटर तल खसेको हो।
बस ब्याक गर्ने क्रममा खसेर पल्टिँदा चालक घाइते भएका छन्।
घाइते भएका चालक सल्यानको बागचौर नगरपालिका – ७ कोटबाराका स्थानीय ३५ वर्षीय चालक लालसिंह विक छन्।
दुर्घटना हुँदा बसमा उनीमात्रै थिए।
उनको बायाँ खुट्टाका साथै शरिरका बिभिन्न भागमा भित्री चोट पटक लागेको छ।
उनको अवस्था मध्यम रहेको जिल्ला प्रहरी कार्यालय सल्यानले जानकारी दिएको छ। घाइते बिकको उपचार बागचौर पोलीक्लिनिक थारमारेमा भइरहेको छ।
चालकले बस स्टार्ट गरी ब्याक गर्ने क्रममा ब्रेक फेल भइ खसेको बताएका छन्। बस दुर्घटना बारे थप अनुसन्धान हुन बाँकी रहेको प्रहरीले जनाएको छ।
-1746009348.jpg)
