सरकारले पत्रकार सुरेश रजकलाई सहिद घोषणा गरेको छ।
सरकारका प्रवक्ता एवं सञ्चारमन्त्री जगदिश खरेलले दिएको जानकारी अनुसार सोमबारको मन्त्रिपरिषद बैठकले रजकलाई सहिद घोषणा गर्ने निर्णय गरेको हो।
एभिन्यूज टेलिभिजनमा कार्यरत पत्रकार रजक गत चैत १५ गतेको तीनकुने घटनामा मारिएका थिए।
'चैत १५ गते तीनकुने घटनामा मारिएका पत्रकार सुरेश रजकलाई राज्यको तर्फबाट सहिद घोषणा गर्ने निर्णय भएको छ,' मन्त्री खरेलले भने।
चैत १५ मा नवराज सुवेदी र दुर्गा प्रसाईंको नेतृत्वमा राजावादीहरूले प्रदर्शन गरेका थिए।
त्यस क्रममा तोडफोड, आगजनी र लुटपाटसमेत भएको थियो।
उक्त हिंस्रक झडप र घटनाको रिपोर्टिङका क्रममा पत्रकार रजक तीनकुनेको एउटा घरमा आगजनीमा परेका थिए। उनको त्यहीँ जलेर ज्यान गएको थियो।
सरकारले पत्रकार रजककी पत्नीलाई रोजगारीसमेत दिने निर्णय गरिसकेको छ।
-1744204958.jpg)
-1746009348.jpg)
