कागेश्वरी मनोहरामा रहेको स्मार्ट हेल्थ क्लिनिकले ७ दिनसम्म विभिन्न परीक्षण निःशुल्क गराउने भएको छ।
स्मार्ट हेल्थ क्लिनिकले आफ्नो वार्षिकोत्सवको अवसर पारेर सोमबारदेखि ७ दिने नि:शुल्क कोलेस्ट्रोल जाँच, इसिजी, ब्लड, सुगर, मुटु रोग शिविर र बाल रोग शिविर सञ्चालन गरेको छ।
त्यस्तै ल्याबका हरेक परीक्षणमा ४०% छुट सुविधा सहित नि:शुल्क स्किन परीक्षण, दाँत परिक्षण र बच्चाहरूको लागि विभिन्न खेलहरू मार्फत स्वास्थ्य गतिविधिहरू सञ्चालनमा रहेको बताइएको छ।
स्मार्ट हेल्थ क्लिनिकले १ वर्षको अवधिमा १० हजारभन्दा सन्तुष्ट सेवाग्राहीलाई सेवा दिनुको साथै ३०० भन्दा धेरै स्थानमा १२ हजारभन्दा बढी व्यक्तिहरूको नि:शुल्क सुगर र ब्लड प्रेसर जाँच गरिसकेको क्लिनिकका प्रबन्ध निर्देशक बिमल न्यौपानेले जानकारी दिए।
उनले १००० भन्दा धेरै प्याकेजहरू र ३०० भन्दा बढी इको तथा २५ सयभन्दा बढीलाई गुणस्तरीय भिडिओ एक्स-रे सेवा उपलब्ध गराइसकेको समेत जानकारी दिए।
-1746009348.jpg)
