पर्सामा २४० किलो चरेशसहित दुई जना पक्राउ परेका छन्।
वीरगन्ज महानगरपालिका-२२ जगरनाथपुर ढाँटबाट शनिबार राति साढे ८ बजेतिर दुई जनालाई पक्राउ गरेको जिल्ला प्रहरी कार्यालय पर्साका डिएसपी राजु कार्कीले जानकारी दिए।
पक्राउ पर्नेमा मकवानपुर थाहा नगरपालिका-११ बस्ने २९ वर्षीय सरोज मोक्तान र २१ वर्षीय नवराज लो छन्। सरोज सवारी चालक हुन्।
उनले मकवानपुरदेखि वीरगन्जतर्फ ना ३ ख ५०९३ नम्बरको ट्रकमा चरेश ओसारपसार गर्दै थिए।
प्रहरीले ट्रकलाई फेला पारी जाँच गर्दा चरेश फेला पारेको हो।
यस घटनाको थप अनुसन्धान प्रहरीले अघि बढाएको छ।
-1746009348.jpg)
