सल्यानमा भएको ट्र्याक्टर दुर्घटनामा परी चालकको मृत्यु भएको छ।
रूकुम पश्चिमको त्रिवेणी गाउँपालिका– ३ झुलनेटाका २१ वर्षीय सुरेश विकको मृत्यु भएको छ।
त्रिवेणी–४ खाम्चाका २६ वर्षीय पूर्णबहादुर विक घाइते छन्।
दुर्घटनाबारे स्थानीयले प्रहरीलाई पौने ९ बजेतिर मात्रै खबर गरेका थिए। त्यसपछि पुगेको प्रहरीले घाइतेलाई उद्धार गरी रूकुम पश्चिमको जिल्ला अस्पताल सल्लेतर्फ पठाएको थियो।
साढे १० बजे मात्रै घाइतेहरू अस्पताल पुर्याइएका थिए।
उपचारका क्रममा चालक सुरेश विकको आइतबार बिहान मृत्यु भएको सल्यान प्रहरीले जानकारी दिएको छ।
अर्का घाइतेको उपचार जारी रहेको प्रहरीले जानकारी दिएको छ।
रूकुम पश्चिमको झुलनेटाबाट सल्यानको दार्मा गाउँपालिका–५ तिते पातल सामुदायिक वनतर्फ दाउरा लिन आउँदै गरेको क. प्र .०२०१ त ०४४४ नम्बरको ट्र्याक्टर भित्री सडक खण्डमा दुर्घटनामा परेको थियो।
ट्र्याक्टर सडकबाट करिब १०० मिटर तल खसेको थियो।
दुर्घटनाको कारणबारे अनुसन्धान भइरहेको प्रहरीले जानकारी दिएको छ।
-1746009348.jpg)
