काठमाडौं महानगरपालिका मेयर बालेन शाहले राष्ट्रिय मानव अधिकार आयोग पुगेर बयान दिएका छन्।
सोमबार आयोग पुगेर मेयर शाहले भदौ २३ र २४ गतेको घटनाबारे बयान दिएका हुन्।
भदौ २३ र २४ गतेको घटनाबारे मानव अधिकार आयोगले पनि अनुसन्धान गरिरहेको छ।
त्यही क्रममा मेयर शाह बयानका लागि आएको आयोगको एक उच्च अधिकारीले सेतोपाटीलाई जानकारी दिए।
'घटना छानबिनबारे मेयर शाहलाई बोलाइएको थियो, आज आएर बयान दिनुभएको छ,' स्रोतले सेतोपाटीसँग भन्यो।
सामाजिक सञ्जालमा लेखिएका स्टाटसदेखि घटना अवधिका मेयर शाहको गतिविधिको बारेमा सोधपुछ गरेको आयोग स्रोतको भनाइ छ।
आयोगका प्रवक्ता टीकाराम पोखरेलले भने जेन-जी आन्दोलनकोबारे अनुसन्धान अगाडि बढिरहेको बताएका छन्।
‘आयोगले यसका लागि एउटा अनुसन्धान टिम बनाएको छ। उनीहरूले आवश्यकताअनुसार सबैलाई बोलाएर अनुसन्धान गरिरहेको छ,’ उनले भने।
-1746009348.jpg)
