काठमाडौंको थापाथलीमा रहेको ब्रिटिश कलेजमा तोडफोड गरेको आरोपमा प्रहरीले पाँच जनालाई पक्राउ गरेको छ।
मंगलबार ब्रिटिश कलेजमा पुगेर केही युवाहरूले तोडफोड गरेको आरोप छ।
पाँच जनालाई नियन्त्रणमा लिइएको जिल्ला प्रहरी परिसर काठमाडौंका एसपी पवनकुमार भट्टराईले जानकारी दिए।
‘सम्बन्धित र असम्बन्धित पक्षका युवाहरू त्यहाँ पुगेर हुलहुज्जत गरे। प्रहरीले हटाउनेक्रममा उनीहरूले तोडफोड गरे। पाँच जना नियन्त्रणमा छन्,’ एसपी भट्टराईले भने।
केही दिन यता ब्रिटिश कलेजमा इन्टर्नशीपको विषयमा युएईमा विद्यार्थीहरूलाई अलपत्र पारेको भन्दै विवाद भइरहेको छ।
ब्रिटिश कलेजले विज्ञप्ति जारी गर्दै हस्पिटालिटी कोर्सका लागि विद्यार्थीहरूलाई द उलविच इन्स्टिच्युड दुबईमा पठाउने गरिएको र उक्त इन्स्चिट्युड युएईकै कानुन अनुसार चल्ने बताएको थियो।
यस्तै इन्टर्नशीप सबै विद्यार्थीहरूलाई निश्चिन्त नहुनेबारे पनि पहिल्यै जानकारी गराउने गरिएको पनि विज्ञप्तिमा उल्लेख छ।
-1746009348.jpg)
