हिउँद लागेपछि एक झर पानी परेको छैन। पश्चिमी बादलले आकाशमा कतैकतै बादल देखा परे पनि चिसो बढाउनेबाहेक अहिले पानी पर्ने सम्भावना नरहेको जल तथा मौसम विज्ञान विभागले बताएको छ। पानी नपर्दा वायु मण्डलमा धुवाँ-धूलोका कणहरू जम्मा भएका छन्। वायु प्रदूषण बढाएको छ।
मौसमविद् विनोद पोखरेलले अर्को हप्ता हिउँदयामको पहिलो वर्षा देख्न सक्ने बताएका छन्।
‘अर्को हप्ता हामी पहिलो जाडोयामको वर्षा देख्न सक्छौं जसमा मौसम चिसो हुने छ’ उनले प्रक्षेपण गर्दै भनेका छन्, ‘पहाडी भेगहरूमा हल्का हिउँ पर्नेछ र काठमाडौं र मध्य–पहाडमा सिमसिम पानी पर्नेछ वा बादल मात्र लाग्नेछ।’
अर्को हप्ता तराईमा पानी पर्ने पूर्वानुमान नगरिएको उनले बताएका छन्।
‘तर यसले धेरै चिसो मौसम ल्याउने छ,’ उनको भनाइ छ।
-1741832049.jpg)
-1746009348.jpg)
