जेनजी आन्दोलनको क्रममा कारागारबाट भागेका ७ जनालाई प्रहरीले पक्राउ गरेको छ।
जिल्ला प्रहरी परिसर काठमाडौंको टोलीले ७ जनालाई पक्राउ गरेको एसपी पवनकुमार भट्टराईले जानकारी दिए।
भदौ २३ गते काठमाडौंसहित देशभरि जेनजी आन्दोलन भएको थियो। भदौ २४ गते देशका विभिन्न कारागारहरूमा पनि तोडफोड आगजनी भएको थियो।
यसक्रममा कयौं कैदीबन्दीहरू कारागारबाट भागेका थिए। त्यसमध्ये ७ जनालाई प्रहरीले पक्राउ गरेको हो।
प्रहरीले डाँका चोरी मुद्दामा तेन्जिङबहादुर तामाङ, चोरी मुद्दामा प्रितम गुरूङ, मानबबेचबिखन तथा ओसारपसार मुद्दामा २३ बबिता तामाङ, नकाबजनी चोरी मुद्दामा विक्रम चोरी, लागुऔषध मुद्दामा भुवन तामाङ, ज्यान मार्ने उद्योग मुद्दामा अनिस मगर र लागुऔषध मुद्दा रोहन साह पक्राउ परेका छन्।
उनीहरूलाई कारागार कार्यालयमा बुझाएको छ।
-1746009348.jpg)
