कञ्चनपुरमा १२ वर्षीया बालिकालाई बलात्कार गरेको आरोपमा दुई जना पक्राउ परेका छन्।
जिल्ला प्रहरी कार्यालय कञ्चनपुरका प्रहरी निरीक्षक वीरेन्द्रसिंह थापाले बलात्कार आरोपी भिमदत्त नगरपालिका – १० का ४७ वर्षीय नरेश गिरी र भीमदत्त–९ का ४० वर्षीय हिरा नाथलाई पक्राउ गरी आवश्यक अनुसन्धान भइरहेको बताए।
दुई जना मिलेर १२ वर्षीया बालिकालाई ललाइफकाइ भीमदत्त–१० को बैजनाथ सामुदायिक वनभित्र लगेर बलात्कार गरेको जाहेरीका आधारमा उनीहरूलाई बुधबार पक्राउ गरिएको प्रहरी निरीक्षक थापाले बताए।
‘पीडित बालिकालाई सेफ हाउसमा राखिएको छ,’ उनले भने, ‘पक्राउ परेकाहरूमाथि थप अनुसन्धान भइरहेको छ।’
अनुसन्धानपछि थप कुरा सार्वजनिक गर्ने प्रहरीले जानकारी दिएको छ।
-1746009348.jpg)
