जल तथा मौसम विज्ञान विभाग, मौसम पूर्वानुमान महाशाखाले अहिले बाजुरा, बझाङ, डडेलधुरा, डोटी, अछाम लगायत भूभागमा वर्षा भइरहेको बताएको छ।
त्यस्तै पाल्पा, गुल्मी, अर्घाखाँची सहित पहाडी जिल्लाहरूमा पनि वर्षा भइरहेको महाशाखाको भनाइ छ।
महाशाखाले वर्षा गराउने प्रणाली पूर्वतर्फ सरिरहेको बताएको छ। यो प्रणाली गण्डकी हुँदै काठमाडौं उपत्यका प्रवेश गर्नेछ।
गण्डकी प्रदेशको अत्रौलीटारमा पछिल्लो एक घन्टामा १६.२ मिलिमिटर वर्षा भएको छ।
रिभन केन्द्रमा ९, तनहुँको सखरमा ६.८ मिलिमिटर वर्षा भएको छ। अहिले पर्साको ठोरीसम्म वर्षा भइरहेको छ। ठोरीमा ५.४ मिलिमिटर वर्षा भएको छ।
मौसमविद विनोद पोखरेलले पश्चिमबाट भित्रिएको वर्षा गराउने (न्यूनचापीय प्रणाली)ले पश्चिम नेपालमा वर्षा गराउने बताएका छन्। देशका केही भागमा मेघगर्जन र वर्षा÷असिना पर्न सक्ने उनले बताएका छन्। काठमाडौं उपत्यकामा भने मध्याह्नपछि वर्षाको सम्भावना देखाइएको छ।
मौसमविद् धर्मराज उप्रेतीले काठमाडौं उपत्यकामा आइतबार मध्याह्न १–२ बजेपछि बादल लाग्ने र वर्षाको सम्भावना रहने बताएका छन्। यो प्रणाली मंगलबारसम्म सक्रिय हुने उनले बताएका छन्।
-1746009348.jpg)
