मापदण्ड भन्दा कम तौलको तेल बिक्री गरी ठगेको आरोपमा प्रहरीले एक जनालाई पक्राउ गरेको छ।
गोदावरी नगरपालिका-५ लेलेस्थित महादेव खोलामा संचालित ओमकार आयल इन्डस्ट्रिज प्रालिबाट उत्पादन हुने सनफ्लावर तेल तोकिएको भन्दा कम राखेर बिक्री गरेको आरोपमा प्रहरीले एक जनालाई पक्राउ गरेको हो।
पक्राउ पर्नेमा उक्त कम्पनीका संचालक ४३ वर्षीय विजय श्रेष्ठ छन्।
प्रहरीले उनले संचालन गर्दै आएका तीन वटा गोदाममा छापा समेत मारेको छ।
उनले भण्डारण गरी राखेका गोदामबाट ठूलो संख्यामा तेल बरामद समेत गरेको छ।
लेलेबाट २०० वटा कार्टुन तेल, इमाडोलबाट ५३० वटा र थसिखेलबाट १७५ कार्टुन तेल बरामद गरेको छ।
उनीमाथि थप अनुसन्धान गर्न प्रहरी परिसर ललितपुरमा बुझाएको छ।
-1746009348.jpg)
