आफूहरूका छोराछोरीलाई झुटो मुद्दा लगाएर थुनामा राखिएको आरोप लगाउँदै जेनजी समूहसँग आबद्ध थुनुवाका अभिभावकहरूले मंगलबार शीतल निवासअगाडि प्रदर्शन गरेका छन्।
प्रदर्शनमा सहभागी अभिभावकहरूले पक्राउ परेकामाथि निष्पक्ष छानबिन नगरी राजनीतिक पूर्वाग्रहका आधारमा मुद्दा चलाइएको दाबी गरेका छन्।
उनीहरूले आफ्ना सन्तानलाई तत्काल रिहा गर्न तथा न्यायिक प्रक्रियालाई निष्पक्ष बनाउन सम्बन्धित निकायसँग माग गरेका छन्।
प्रदर्शनकारीहरूले प्लाकार्ड बोकेर 'झुटो मुद्दा खारेज गर', 'निष्पक्ष न्याय सुनिश्चित गर' लगायतका नारा समेत लगाएका थिए।
प्रदर्शन क्रममा प्रहरीले दमन गरेको उनीहरूको आरोप छ।
जेनजी अभियानी लक्ष्मी घिमिरेका अनुसार जेनजी थुनुवाका अभिभावकमाथि प्रहरीले हातपात गरेका थिए।
‘सो क्रममा दुई जना आमाहरू बेहोस हुनुभएको थियो। अहिले उहाँहरूलाई टिचिङ अस्पतालमा भर्ना गरिएको छ,’ उनले भनिन्।
आफूहरूले प्लाकार्ड बोकेर शान्तिपूर्वक प्रदर्शन गरे पनि प्रहरीको अर्को टोली आएर हातपात गरेको उनको आरोप छ।
अभिभावकहरूले आफ्ना माग पूरा नभएसम्म कानुनी र लोकतान्त्रिक माध्यमबाट आन्दोलनलाई निरन्तरता दिने चेतावनी दिएका छन्।
तस्बिरहरू:
-1781008885.jpg)
-1781008884.jpg)
-1781008884.jpg)
-1781008882.jpg)
-1781008882.jpg)
-1781008882.jpg)
-1781008883.jpg)
-1781008883.jpg)
-1781008881.jpg)
-1781008881.jpg)
-1781008881.jpg)
-1781008880.jpg)
-1781008880.jpg)
सबै तस्बिर: नेपाल फोटो लाइब्रेरी
