सोसाइटी अफ कन्सल्टिङ आर्किटेक्चरल एण्ड इन्जिनियरिङ फर्म्स नेपालको आयोजनामा विराटनगरमा 'सहरी सडक योजना तथा व्यवस्थापन' सम्बन्धी ४ दिने तालिम कार्यक्रम सुरू भएको छ।
निर्माण व्यवसाय विकास कार्यान्वयन समिति र नेपाल निर्माण व्यवसायी महासंघसँगको सहकार्यमा आयोजित यो तालिम होटल स्वागतममा सुरू भएको हो।
तालिमको उद्घाटन कोशी प्रदेशका पर्यटन, वन तथा वातावरण मन्त्री भीम पराजुलीले गरेका थिए।
असार १० गतेसम्म चल्ने यस तालिममा ३Cs (नियोक्ता, परामर्शदाता र निर्माण व्यवसायी) को क्षमता अभिवृद्धि गर्ने लक्ष्य राखिएको छ।
यसमा सडक विभाग, DUDBC, विभिन्न नगरपालिकाका प्रतिनिधि, इन्जिनियरिङ कलेजका प्राध्यापक तथा निजी क्षेत्रका इन्जिनियरहरूको सहभागिता छ।
सुरक्षित र दिगो सहरी सडक प्रणालीको डिजाइन र व्यवस्थापनबारे प्राविधिक क्षमता बढाउन यो कार्यक्रम कोशेढुङ्गा सावित हुने विश्वास लिइएको छ।
कार्यक्रममा नेपाल इन्जिनियरिङ परिषद्का अध्यक्ष प्रा. डा. पद्मबहादुर शाही, एनइए कोशीका अध्यक्ष इ. जगरनाथ शाह, पूर्वाञ्चल विश्वविद्यालयका प्रा. डा. धर्मेन्द्र सिंह र एफक्यान कोशीका अध्यक्ष जनसेवक भण्डारीको विशेष आतिथ्यता थियो।
