नेपाल टेलिकमको बिलिङ प्रणाली ठेक्कापट्टामा भ्रष्टाचार मुद्दा लागेका नेपाल दूरसञ्चार कम्पनी लिमिटेडका तत्कालीन प्रबन्ध निर्देशक सुनिल पौडेल सहित १८ जनाले नै सफाइ पाएका छन्।
बिहीबार विशेष अदालतका न्यायाधीश नारायणप्रसाद पौडेल र विदुर कोइरालाको इजलासले उक्त मुद्दा लागेका सबैलाई सफाइ दिएको हो।
नेपाल टेलिकमका प्रवन्ध निर्देशक सुनिल पौडेल, तत्कालीन प्रमुख व्यावसायिक अधिकृत संगीता अर्याल, प्रतिभा वैध, राजेन्द्र श्रेष्ठ लगायत १८ जनाले सफाइ पाएका हुन्।
उनीहरूले नेपाल टेलिकमलाई गैरकानुनी हानी नोक्सानी पुर्याउने वा आफूलाई लाभ पुर्याउने वदनियत काम गरेको पुष्टि नभएको अदालतको भनाइ छ।
अख्तियार दुरूपयोग अनुसन्धान आयोगले २०८२ जेठ २५ गते सुनिल पौडेल सहित १८ जना विरूद्ध भ्रष्टाचार मुद्दा दायर गरेको थियो।
अख्तियारले १८ जनाविरूद्ध ३३ करोड ४८ लाख १७ हजार ४३० रुपैयाँ बिगो कायम गरी मुद्दा दायर गरेको थियो।
