कांग्रेस सभापति गगन थापाको घरअगाडि पार्किङ गरिएको शंकास्पद गाडी क्रेनको सहायताले उठाएर लगिएको छ।
काठमाडौं उपत्यका ट्राफिक प्रहरी कार्यालय बग्गीखानामा गाडी लगिएको हो। उक्त गाडी कुमार प्रसाद अर्यालको रहेको खुलेको छ।
थापाको घरअगाडि सोमबार बिहानदेखि एउटा कार पार्क गरिएपछि स्थानीय आवतजावत प्रभावित भएको थियो।
स्थानीयले दाबी गरेअनुसार कार त्यहाँ राखेर चालक प्रहरीकै गाडी चढेर हिँडेको देखिएको थियो।
यसअघि कान्तिपुर पब्लिकेशन, अनलाइन खबर लगायत मिडिया अफिस अगाडि शंकास्पद गाडी पार्किङ गरिएको थियो।
प्रवेशद्वारमा अवरोध पुग्ने गरी बिहान साढे ७ आसपास दुबै मिडिया हाउसको गेटमा गाडी पार्किङ गरिएको थियो।
कान्तिपुरको तीनकुनेस्थित कार्यालयको गेटमा पार्क गरिएको गाडीका कारण पत्रकारहरूलाई सवारीसहित आवतजावत गर्न बाधा पुगेको थियो। यद्यपि गाडीहरू क्रेनले उठाएर लगिएको छ।
-1783943311.jpg)
-1783943311.jpg)
-1783943311.jpg)
-1783943310.jpg)
-1783943310.jpg)
-1783943311.jpg)
सबै तस्बिर: नवीनबाबु गुरूङ/सेतोपाटी
