कानून, न्याय तथा मानव अधिकार समितिले केही दिनदेखि आन्दोलित बिनु यादव र निहारिका राजपुतसँग भेट गर्न गृहमन्त्री सुधन गुरूङलाई ध्यानाकर्षण गराएको छ।
समिति सभापति समीक्षा बास्कोटाले दुई अधिकारकर्मीहरूले गृहमन्त्रीलाई भेट्न चाहेको विषय ध्यानाकर्षण गराएकी हुन्।
' बिनु यादव र निहारिका राजपुतका विषयमा सम्बन्धित निकायसँग समन्वय गरी आवश्यक पहल गरिनेछ। विशेषगरी नागरिकले आफ्ना समस्या मन्त्रीसमक्ष राख्न चाहेको अवस्थामा गृह मन्त्रालयलाई भेटघाटको व्यवस्था मिलाउन अनुरोध गरिएको छ,' उनले भनिन्।
यादव र राजपुत शनिबार पनि सिंहदरबार गेटमा पुगेका थिए। उनीहरूले त्यहाँ पुगेर विरोधस्वरूप घन्टी बझाएका थिए।
त्यसपछि प्रहरीले उनीहरूलाई त्यहाँबाट हटाउन सामान्य बल प्रयोग गरेको थियो।
त्यसअघि शुक्रबार पनि उनीहरू सिंहदरबारकै दक्षिण गेटमा पुगेका थिए।
उनीहरूले गृहमन्त्री सुधन गुरूङलाई भेट्न पाउनुपर्ने माग गर्दै आएका छन्।
