जनकपुरबाट काठमाडौं आउँदै गरेको गाडी सिन्धुलीमा दुर्घटनामा परेका छ।
मंगलबार दिउँसो २ बजे जनकपुरबाट काठमाडौं आउँदै गरेको मधेस प्रदेश ०४-००१ ज ०२४३ नम्बरको गाडी दुर्घटनामा परेको हो।
सिन्धुली गोलन्जोर गाउँपालिका-७ पलासेस्थित बिपी राजमार्गमा गाडी दुर्घटनामा परेको जिल्ला प्रहरी कार्यालयका सिन्धुलीका डिएसपी विजय श्रेष्ठले जानकारी दिए।
उनका अनुसार उक्त गाडीमा १४ जना यात्रुहरू थिए। ती सबै घाइते भएका छन्।
'५ जनाको अवस्था गम्भीर छ। उनीहरूलाई काठमाडौं पठाउने तयारी भइरहेको छ,' डिएसपी श्रेष्ठले भने।
गाडी आफै अनियन्त्रित भई सडकबाट करिब २० फिट तल खसेको प्रारम्भिक अनुसन्धानमा खुलेको छ। थप अनुसन्धान भइरहेको उनी बताउँछन्।