वर्षको अस्ट्रेलियन ओपन टेनिस प्रतियोगिताको पुरुष एकलको उपाधि इटालीका यानिक सिनरले जितेका छन्।
आइतबार मेलवर्नमा भएको उपाधि भिडन्तमा सिनरले जर्मनीका अलेक्जेन्डर स्भेरभलाई सोझो सेटमा पराजित गर्दै लगातार दोस्रो पटक अस्ट्रेलियन ओपनको उपाधि जितेका हुन्।
इटालीका शीर्ष वरीयताका खेलाडी सिनरले ६-३, ७-६ (७-४) र ६-३ ले दोस्रो वरीयताका स्भेरभलाई पराजित गरेका हुन्।
हाल डोपिङ प्रकरणमा जोडिए पनि सिनरले दोस्रो अस्ट्रेलियन ओपन जित्दा समग्रमा तेस्रो पटक ग्रान्डस्लाम उपाधि हात पारे।
उनले गत वर्ष युएस ओपनको उपाधि पनि जितेका थिए। फ्रेन्च ओपन र विम्बल्डनमा भने उनी एक एक पटक सेमिफाइनलमा पराजित भएका छन्।
यसअघि शनिबार भएको महिला एकलको उपाधि भने अमेरिकाकी म्याडिसन किजले बेलारूसकी आर्ना सबालेन्कालाई पराजित गरेर जितेकी थिइन्।
