टिमोर-लेस्टेका ५० वर्षीय सुहैल सत्तार र १७ वर्षीय याह्या सुहैलले अन्तर्राष्ट्रिय खेलमा सँगै खेल्ने पहिलो बुबा-छोराको कीर्तिमान बनाएका छन्।
सुहैल बुबा-छोराले नोभेम्बर ६ मा इन्डोनेसियाको बालीमा आयोजना भएको घरेलु टोली इन्डोनेसियाविरुद्धको खेल खेलेका हुन्।
टिमोर-लेस्टेको पहिलो अन्तर्राष्ट्रिय खेलमा थियो। जुन खेलमा बुबा-छोराले अन्तर्राष्ट्रिय क्रिकेटमा सँगै खेलेर यो अनौठो उपलब्धि हासिल गरेका थिए। खेलमा उनीहरूले सँगै ब्याटिङ पनि गरेका थिए।
यद्यपी उनीहरु अन्तर्राष्ट्रिय खेलमा सँगै खेल्ने पहिलो अभिभावक र सन्तान भने होइनन्।
यस वर्ष स्विट्जरल्यान्डको महिला टोलीमा मेट्टी फर्नान्डिस र नैना मेट्टी साजुको आमा-छोरीको जोडीले ६ वटा टी-२० अन्तर्राष्ट्रिय खेल सँगै खेलेका थिए।
घरेलु क्रिकेटमा पनि बुबा-छोराको जोडी सँगै खेलेका अन्य उदाहरणहरू छन्।
वेस्ट इन्डिजका शिवनारायण चन्द्रपल र उनका छोरा टेगनारायणले गुयानाका लागि ११ वटा प्रथम श्रेणीका खेल सँगै खेलेका थिए।
यद्यपी उनीहरूले सँगै अन्तर्राष्ट्रिय खेल भने खेलेनन्।शिवनारायणले मार्च २०१४ मा प्रोभिडेन्स स्टेडियममा विन्डवार्ड टापुहरूविरुद्धको खेलमा आफ्ना छोराको कप्तानी पनि गरेका थिए।
हालै २०२५ शपागेजा क्रिकेट लिगको फाइनलमा अफगानिस्तानका मोहम्मद नाबीले आफ्ना छोरा हसन इसाखिलविरुद्ध खेलेका थिए।
सुहैल बुबा-छोराले सँगै खेलेको खेलबाट टिमोर-लेस्टेका अन्तर्राष्ट्रिय क्रिकेट यात्रा सुरु गरेको छ। तर टिमको यात्रा कठिन रुपमा सुरू भएको छ। टिमोर लिस्टेले आफ्ना पहिलो तीन खेलमा दश विकेटले पराजय भोगेका छन्।
-1746009348.jpg)
