नेपाली राष्ट्रिय क्रिकेट टोलीका लेग स्पिनर सन्दीप लामिछानेले बंगलादेश प्रिमियर लिग (बिपिएल) खेल्ने भएका छन्।
उनलाई सिजनका लागि राजशाही वारियर्सले टोलीमा भित्र्याएको हो।
वारियर्सले सन्दीपलाई भित्र्याएको सार्वजनिक गर्दै भनेको छ, ‘नेपालले खेल मात्र हेर्नेछैन, प्रतियोगिताको हिस्सा समेत हुनेछ।’
सिजनको बिपिएल पुस ११ देखि हुँदैछ। ६ टोलीबीच हुने लिगको उदघाटन खेलमा सन्दीप आबद्ध राजशाहीले सिलेट टाइटन्ससँग खेल्दैछ।
सन्दीपले आइसिसी टी-२० विश्वकपअघि बंगलादेशको फ्रेञ्चाइज लिग खेल्न लागेका हुन्।
सन्दीपले दोस्रो पटक बिपिएल खेल्न लागेका हुन्। यसअघि उनले सन् २०१९ मा सिलेट सिक्सर्सका लागि खेलेका थिए।
सन्दीपले भारतको आइपिएलसहित अस्ट्रेलियाको बिबिएल, पाकिस्तानको पिएसएल, वेस्ट इन्डिजको सिपिएल, अफगानिस्तानको एपिएलसहित क्यानडाको ग्लोबल टी-२० खेलिसकेका छन्।
-1763886130.jpeg)
-1746009348.jpg)
