आइसिसी टी-२० विश्वकप २०२६ को तयारीका लागि श्रीलंकमा रहेको नेपाली राष्ट्रिय क्रिकेट टोलीले श्रीलंका ‘ए’ विरुद्धको दोस्रो अभ्यास खेलमा पनि पराजय भोगेको छ।
बिहीबार भएको खेलमा नेपाल ७३ रनले पराजित भएको हो। यसअघि पहिलो अभ्यास खेलमा ४ विकेटको पराजित भएको थियो।
बिहीबार पहिले ब्याटिङ गरेको श्रीलंकाले ५ विकेटको क्षतिमा २२२ रन जोड्यो। श्रीलंकाका लागि लाहिरु उडाराले ९३ रन, सहान अच्चीगेले ५५ रन र लासिथ क्रुसपुल्लले ५३ रन बनाए।
बलिङमा नेपालका नन्दन यादव र कुशल भुर्तेलले २-२ विकेट लिए।
२२३ रनको लक्ष्य पछ्याएको नेपालले ९ विकेटको क्षतिमा १४९ रन बनायो। नेपालका शीर्ष पाँच ब्याटरले दोहोरो अंकमा रन बनाउन सकेनन्। करण केसीले २६ बलमा नटआउट ४१ रन र लोकेश बमले १५ बलमा २५ रन बनाए।
अब नेपालले श्रीलंका ‘ए’ सँग थप एक खेल (जनवरी२४ मा) खेल्नेछ। त्यसपछि टोली भारत गएर थप अभ्यास खेलहरू खेल्ने कार्यक्रम छ।
एक साता अभ्यास गरेपछि नेपाली टोली मुम्बई आउनेछ। मुम्बईमा पहिलो अभ्यास खेल माघ १५ मा खेल्नेछ।
नेपाली टोली
रोहित पौडेल (कप्तान) र उपकप्तान दीपेन्द्र सिंह ऐरी (उपकप्तान) सन्दीप लामिछाने, कुशल भुर्तेल, आसिफ शेख, सन्दीप जोरा, आरिफ शेख, बसिर अहमद, सोमपाल कामी, करण केसी, नन्दन यादव, गुल्शन झा, ललित राजवंशी, शेर मल्ल र लोकेश बम।
यसपटकको विश्वकपमा नेपाल समूह ‘सी’ मा छ। यो समूहमा नेपालसँगै इंग्ल्यान्ड, वेस्ट इन्डिज, बंगलादेश र इटाली छन्।
नेपालले पहिलो खेल इंग्ल्यान्डसँग फेब्रुअरी ८ मा (माघ २५) खेल्नेछ। अन्तिम खेल बंगलादेशसँग फेब्रुअरी १७ (फागुन ५) मा हुनेछ। नेपालका चारै खेलमा मुम्बईमा हुनेछन्।
नेपाल रहेको समूह सी
इंग्ल्यान्ड, वेस्ट इन्डिज, बंगलादेश, इटाली, नेपाल
नेपालको विश्वकपमा खेल
नेपाल भर्सेस इंग्ल्यान्ड, ८ फेब्रुअरी (माघ २५), दिउँस ३ बजे, मुम्बई
नेपाल भर्सेस इटाली, १२ फेब्रुअरी(माघ २९), दिउँस ३ बजे, मुम्बई
नेपाल भर्सेस वेस्ट इन्डिज, १५ फेब्रुअरी (फागुन ३), विहान ११ बजे, मुम्बई
नेपाल भर्सेस बंगलादेश, १ फेब्रुअरी (फागुन ५), राति ७ बजे, मुम्बई
-1746009348.jpg)
