राष्ट्रिय लिग २०८२ अन्तर्गत मंगलबारको पहिलो खेलमा शीर्ष स्थानको लालिगुराँस एफसी र त्रिभुवन आर्मी क्लबले बराबरी खेल्दै अंक बाँडेका छन्।
दुवै टोलीले गोलरहित बराबरी खेल्दै अंक बाँडेका हुन्। जारी लिगमा लालिगुराँसले लगातार तीन खेलमा जित निकालेपछि चौथो खेलमा बराबरी खेलेका हो।
दश अंक जोडेर अंक तालिकाको शीर्ष स्थानमा रहेको पोखराको लालिगुराँस राष्ट्रिय लिगको नवप्रवेशी क्लब हो।
यता आर्मी भने चार खेलमा आठ अंकसहित पाँचौ स्थानमा छ। उसले दुई जित र दुई बराबरी खेलेको छ। आजको नतिजाले दुवै टोलीको अपराजित यात्रा भने कायमै राख्यो।
यता दिनको दोस्रो खेलमा प्लानिङ ब्वाइज युनाइटेडले सातदोबटो युथ क्लबलाई ४-२ गोलले पराजित गरेको छ।
सातदोबाटोका सोभिरोभले २१ मिनेटमा अग्रता दिलाए पनि प्लानिङका एलेक्स विलियमले ४५+७ मिनेटमा बराबरी गोल फर्काए।
त्यसपछि रोमन भुजेलले ६३ मिनेटमा प्लानिङलाई अग्रता दिलाए। तर फेरि फोडे फोफनाले ६९ मिनेटमा बराबरी गोल गरे।
त्यसपछि फागुराम थारुले ७९ र ८३ मिनेटमा गोल गरेपछि प्लानिङले जित निकाल्यो।
जितसँगै प्लानिङले चार खेलबाट सात अंक जोडेको छ भने छैटौं स्थानमा उक्लिएको छ। यता चार खेलबाट चार अंकसहित १२औं स्थानमा छ।
-1746009348.jpg)
