प्रधानमन्त्री कप काठमाडौं जिल्लए पुरुष छनोट क्रिकेट प्रतियोगिता २०८२ को पहिलो दिन पुष्पलाल स्पोर्ट्स क्लब, क्रिकेट एक्सीलेन्स सेन्टर र हिमालयन क्रिकेट एकेडेमी विजयी भएका छन्।
नेक्सस क्रिकेट एकेडेमीविरूद्ध पुष्पलाल स्पोर्ट्स क्लब ६ विकेटले विजयी भएको हो।
नेक्सस क्रिकेट एकेडेमी ४७.२ ओभरमा २२२ रन बनाएर अलआउट भयो। आर्यन मण्डलले १३१ बलमा ९५ रन र लक्ष्मण भूर्तेलले ३३ रन बनाए।
पुष्पलालले २५.५ ओभरमा ४ विकेट गुमाउँदै लक्ष्य पार गर्यो। आशिष बी. क्षेत्रीले ६६ र बिक्रम पाण्डेले ६० रनको योगदान दिए।
क्रिकेट एक्सीलेन्स सेन्टरले फरेभर क्रिकेट ब्वाइज क्लबलाई १२१ रनले हरायो।
क्रिकेट एक्सीलेन्स सेन्टरले ८ विकेट गुमाउँदै २६३ रन बनायो। गणेश विष्टले अविजित ६१ रन र रणबीर यादवले ४४ रन बनाए।
फरेभरले ३४.५ ओभरमा सबै विकेट गुमाउँदै १४२ रन मात्र बनाउन सक्यो। अजय नकर्मीले ४७ रन र बिक्रम डाँगीले २८ रन बनाए।
बलिङमा जतिन थापाले ४ विकेट र दयानन्द मण्डलले ४ विकेट लिए। प्लेयर अफ द म्याच गणेश विष्ट भए।
यता हिमालयन क्रिकेट एकेडेमीले काठमाडौं क्रिकेट एकेडेमीलाई ८ विकेटले हरायो।
काठमाडौं क्रिकेट एकेडेमीले २४.१ ओभरमा सबै विकेट गुमाएर ९१ रनमा खुम्चियो। सुमित सिंहले सर्वाधिक ४० रन बनाए।
हिमालयन क्रिकेट एकेडेमीले ११.४ ओभरमा २ विकेट गुमाउँदै ९२ रन बनाएर लक्ष्य पुरा गर्यो। किरण दौल्यालले ३२ र अभिषेक बुढायरले ३० रन बनाए।
बलिङमा हिमालयनका सुमन बिकले ८ ओभरमा २२ रन दिएर ६ विकेट लिए भने प्लेयर अफ द म्याच सुमन बिक नै भए।
-1746009348.jpg)
