महिला एसिया कप राइजिङ स्टार्स २०२६ प्रतियोगितामा नेपाल लगातार दोस्रो खेलमा हारेको छ।
थाइल्यान्डको बैंककस्थित तेर्डथाई क्रिकेट ग्राउन्डमा आज भएको ग्रुप एको खेलमा नेपालले युनाइटेड अरब इमिरेट्स (युएई) सँग १८ रनले पराजय भोगेको हो।
यसअघि प्रतियोगिताको आफ्नो पहिलो खेलमा नेपालले पाकिस्तान ए टिमसँग ३० रनले हार बेहोरेको थियो।
आजको खेलमा नेपालले टस जितेर फिल्डिङ रोजेको थियो। युएई महिलाले निर्धारित २० ओभरमा १८९/४ को योगफल बनाएको थियो।
नेपालले चेज गर्दा राम्रो सुरुवात गरेको थियो। ओपनरहरू पूजा महतो र सम्झना खड्काले अर्धशतक प्रहार गर्दै उत्कृष्ट साझेदारी गरेका थिए। पूजा महतोले ५३ र सम्झना खड्काले ५८ रन बनाएका थिए।
१५ ओभरमा नेपाल १२९/१ को अवस्थामा पुगेको थियो र जितको लागि ६१ रन आवश्यक थियो (३० बल बाँकी)। तर अन्तिम ओभरहरूमा आवश्यक रन रेट उच्च भएकाले नेपालले लक्ष्य पूरा गर्न सकेन र खेलमा हार व्यहोरेको छ।
त्यसअघि युएईका लागि कप्तान इसा ओजाले १२५ रन बनाएकी थिइन्। यस्तै हिनाले नटआउट ४५ रनको योगदान दिइन्।
यो हारसँगै नेपालको लगातार दोस्रो पराजय हो। अब नेपालले अन्तिम ग्रुप खेलमा भारत ए टिमसँग प्रतिस्पर्धा गर्नेछ।
-1746009348.jpg)
