इंग्लिस प्रिमियर लिगमा म्यानचेस्टर युनाइटेड र लिभरपुलले बराबरी खेलेका छन्।
आइतबार अबेर राति सकिएको खेलमा दुवै टिमले १-१ को बराबरी खेलेका हुन्।
खेलको ३६ मिनेटमा रास्फोडको गोलबाट म्यानचेस्टरले अग्रता लिएको थियो।
तर खेल सकिन ५ मिनेट बाँकी छदा लिभरपुलले बराबरी गोल फर्काउन सफल भयो।
लिभरपुलका लागि एडम लालानाले खेलको ८५ मिनेटमा गोल गरेका थिए।
लिगमा ९ खेलबाट २५ अंक जोडेको लिभरपुल शीर्ष स्थानमा छ भने १९ अंक जोडेर म्यानचेस्टर सिटी दोस्रो स्थानमा छ।
तेस्रो स्थानको लेस्टर र चौथो स्थानको चेल्सीको समान १७–१७ अंक छ। पाँचौ स्थानको आर्सनलको १५, छैटौ स्थानको प्यालेसको १४ र सातौं स्थानको टोटनह्यामको १२ अंक छ।
म्यानचेस्टर युनाइटेड भने १० अंकसहित १३औं स्थानमा छ।
