बार्सिलोनाले सन् २०१९ पछि पहिलो उपाधि जितेको छ।
शनिबार राति भएको कोपा डेल रे प्रतियोगिताको उपाधि जित्दै बार्सिलोनाले सिजनमा पहिलो उपाधि जितेको हो।
शनिबार राति भएको उपाधि भिडन्तमा बार्सिलोनाले एथ्लेटिक बिल्बाओलाई ४-० गोलले पराजित गर्यो।
पहिलो हाफ गोलरहित बराबरीमा सकिएको खेलमा बार्सिलोनाले दोस्रो हाफमा १२ मिनेटको अन्तरमा चार गोल गर्यो।
खेलको ६० मिनेटमा ग्रिजम्यानको गोलबाट बार्सिलोनाले अग्रता लियो।
६३ मिनेटमा डे जोङले बार्सिलोनाको अग्रता दोब्बर पारे।
त्यसपछि कप्तान लिओनल मेसीले दुई गोल गरे।
उनले खेलको ६८ र ७२ मिनेटमा गरी दुई गोल गरेका हुन्।