बायर्न म्युनिखले डाइनामो किभलाई हराउँदै च्याम्पियन्स लिगको समूह चरणमा सतप्रतिशत जित निकालेको छ।
समूह ई अन्तर्गत गएराति भएको खेलमा बायर्न म्युनिखले युक्रेनी क्लब डाइनामो किभलाई २-१ गोल अन्तरमा हराउँदै शतप्रतिशत जितसहित अन्तिम १६ मा स्थान पक्का गरेको हो।
बायर्नको जितमा रोबेर्ट लेवानडोस्की र किंग्सले कोम्यानले समान एक-एक गोल गरे। त्यस्तै डाइनामोका लागि एक गोल डेनी हर्माशले गरेका थिए।
यो जितपछि बायर्न म्युनिख समूह इ को शीर्ष स्थानमा रहँदै अन्तिम १६ मा पुगेको हो। समूहका पाँच खेलमा अपराजित रहेको बायर्नको १५ अंक रहेको छ । त्यस्तै परजित डाइनामो किभको भने ५ खेलमा १ अंक जोड्दै समूहको पुटछारमा छ।
यहीँ समूहको अर्को खेलमा बार्सिलोना र बेनिफिका गोलरहित बराबरी खेल्दै अंक बाँडेका छन्। यो बराबरीपछि बार्सिलोना ५ खेलबाट ७ अंक जोड्दै समूहमा दोस्रो स्थानमा उक्लिएको छ।
बेनिफिका ५ खेलमा ५ अंक जोड्दै समूहमा तेस्रो स्थानमा पुगेको छ।
