चैत ८ गतेदेखि दशरथ रंगशालामा हुने प्रधानमन्त्री थ्री नेसन्स कप विजेतालाई ५ हजार अमेरिकी डलर पुरस्कार प्रदान गरिने भएको छ।
अखिल नेपाल फुटबल संघ (एन्फा) ले सोमबार पत्रकार सम्मेलन गर्दै नेपाल, भुटान र लाओसबीच हुने प्रतियोगिताको विजेतालाई ५ हजार डलर दिने घोषणा गरेको हो।
उपविजेतालाई ३ हजार अमेरिकी डलर, प्लेयर अफ दि म्याचलाई २५० डलर र उत्कृष्ट खेलाडीलाई ५ सय डलर गरी कुल पुरस्कार राशी ९ हजार ५ सय अमेरिकी डलर रहेको छ।
सबै पुरस्कार रकम राष्ट्रिय खेलकुद परिषदले उपलब्ध गराउने भएको छ।
प्रतियोगिताको कुल बजेट १ करोड ७७ लाख रुपैयाँ छ।
एन्फाले फिफा विन्डोमा खेल गराउने भएका कारण एन्फाले फिफाबाट २५ हजार डलर पाउनेछ। प्रतियोगितामा सहभागी हुन भुटान र लाओसको टिम नेपाल आइसकेका छन्।
नेपालले भुटान र लाओससँग सिंगल राउण्ड रोबिन ढाँचामा खेल्नेछ र शीर्ष दुई टोली फाइनलमा प्रवेश गर्नेछन्। फाइनलबाहेक सबै खेल फिफा विन्डोमा खेलिने छन्।
प्रतियोगिताको टिकट मूल्य सामान्य प्यारापिटको लागि ५०० रुपैयाँ र भिआइपी प्यारापिटको लागि एक हजार रुपैयाँ तोकिएको छ।
एन्फाले प्रतियोगिताको मार्केटिङ, प्रसारण र डिजिटल अधिकार एमडिएसी स्पोर्ट्स प्रालिले २० लाख रुपैयाँमा पाएको छ। टिकेटिङ भने एन्फाले आफैं गर्नेछ।
नेपालले उद्घाटन खेल चैत ८ मा लाओससँग खेल्नेछ। चैत २८ मा नेपाल र भुटानबीचको खेल अघि लाओसले चैत ११ मा भुटानसँग खेल्नेछ। समूह चरणका सबै खेल साँझ ६ बजे सुरु हुनेछन्।
फाइनल चैत १७ मा साँझ ५:३० बजे हुनेछ।
-1746009348.jpg)
