सन् २०२६ को विश्वकप फुटबल सुरु हुनुअघि नै अमेरिकामा रेलको भाडालाई लिएर ठूलो विवाद सुरु भएको छ। न्यु जर्सीकी गभर्नर मिकी शेरिल र विश्व फुटबलको सर्वोच्च निकाय फिफाबीच यस विषयमा आरोप-प्रत्यारोप चलिरहेको छ।
न्युयोर्कबाट न्यु जर्सीस्थित 'मेटलाइफ स्टेडियम' सम्म पुग्न रेलमा जम्मा ३० मिनेट लाग्छ। तर, विश्वकपको समयमा यो छोटो यात्राका लागि समर्थकहरूले १५० डलर (करिब २०,००० नेपाली रुपैयाँ) तिर्नुपर्ने भएको छ।
गभर्नर शेरिलका अनुसार फिफाका कारण भाडा यति महँगो भएको हो। उनले फिफाले यो भाडामा सहुलियत दिनुपर्ने माग गरेकी छिन्। अचम्मको कुरा के छ भने, बालबालिका र ज्येष्ठ नागरिकहरूका लागि पनि कुनै छुट छैन; उनीहरूले पनि पूरा २० हजार नै तिर्नुपर्नेछ। यस्तै, शटल बसको टिकट पनि झण्डै १०,७०० रुपैयाँ तोकिएको छ।
फिफाका अधिकारी हेइमो शिर्गीले यति महँगो भाडाले विश्वकपको रौनक नै बिगार्ने बताएका छन्। उनका अनुसार भाडा धेरै भएपछि मानिसहरू रेल छोडेर निजी गाडीमा जान खोज्छन्, जसले गर्दा सडकमा ट्राफिक जाम बढ्छ। यसले समर्थकहरूको अनुभव खराब बनाउँछ र आर्थिक लाभमा पनि असर पुर्याउँछ।
तर, गभर्नरले फिफाले पैसा तिर्नुपर्छ भनी राखेको मागलाई फिफाले ‘अस्वभाविक’ भनेको छ। फिफाका अनुसार यस्तो माग आजसम्म कुनै पनि ठूला खेलकुद आयोजक वा कन्सर्ट सञ्चालकलाई गरिएको छैन।
न्यु जर्सीको यातायात विभागले विश्वकपका लागि झण्डै ६ अर्ब ४० करोड रुपैयाँ (४८मिलियन) खर्च गर्दैछ। तर फिफाले यसमा सुको पैसा दिएको छैन। जबकि फिफाले यो प्रतियोगिताबाट झण्डै १४खर्ब ६०अर्ब रुपैयाँ (४८मिलियन) खर्चगर्दैछ।
फिफाले त्यो रकम 'नाफा' नभई 'राजस्व'मात्र भएको र आफू एक गैर-नाफामूलक संस्था भएको बताएको छ। फिफाका अनुसार यो कमाइ विश्वभर महिला र युवा फुटबलको विकासमा खर्च गरिन्छ।
न्यु जर्सी मात्र होइन, बोस्टनको स्टेडियमसम्म पुग्न पनि रेल भाडा बढाएर १०,७०० रुपैयाँ पुर्याइएको छ।
मेटलाइफ स्टेडियममा विश्वकपको फाइनलसहित ८ वटा खेल हुनेछन्। यति महँगो भाडाले गर्दा सर्वसाधारण समर्थकहरू मर्कामा पर्ने निश्चित देखिएको छ।
