युएईमा भएको आइबा पुरुष विश्व बक्सिङ च्याम्पियनसिपमा ऐतिहासिक कास्य पदक जितेका चन्द्रबहादुर थापासहितको नेपाली टोली आइतबार स्वदेश फर्किएको छ।
थापासहितको टोलीलाई स्वागत गर्न युवा तथा खेलकुद मन्त्री बब्लु गुप्ता, राष्ट्रिय खेलकुद परिषद् (राखेप) का सदस्यसचिव राम चरित्र मेहता, नेपाल प्रहरीका उच्चपदस्थ पदाधिकारी, नेपाल बक्सिङ महासंघका पदाधिकारी, राष्ट्रिय खेलकुद संघका पदाधिकारी, खेलाडी, प्रशिक्षकलगायतले टोलीलाई अन्तर्राष्ट्रिय विमानस्थल पुगेका थिए।
५४ केजी तौल समूहका चन्द्र थापा मगरले इरानी बक्सरलाई पराजित गर्दै सेमिफाइनलमा स्थान पक्का गरेसँगै कम्तिमा कास्य पदक पक्का गरेका थिए। तर सेमिफाइनलमा उनी कागकस्तानका खेलाडीसँग ५-० को अन्तरमा पराजित हुन पुग्दा कास्यमा सीमित भए।
कास्य पदकसँगै उनले ७५ हजार अमेरिकी डलर (१ करोड ७ लाख रूपैयाँ बढी) पुरस्कार रकम प्राप्त गरेका थिए।
उनले अन्तिम ३२ मा इन्डोनेसिया र अन्तिमा १६ आर्मेनियाका बक्सरलाई पराजित गर्दै क्वार्टरफाइनल प्रवेश गरेका थिए।
क्वाटरफाइनलमा इरानी खेलाडीलाई हराएपछि चन्द्रले इतिहास रचेका थिए। नेपाल पुलिस क्लबका खेलाडी चन्द्र सन् २०२६ मा जापानमा हुने एसियाली खेलकुदको तयारीमा छन्।
प्रतियोगितामा ४८ केजी तौल समूहका लाल बहादुर उप्रेतीले पनि प्रतियोगितामा प्रभावशाली प्रदर्शन गरे।
उनले इथोपिया र माल्दोभाका बक्सरलाई पराजित गर्दै क्वाटरफाइनलमा प्रवेश गरेका थिए। यद्यपी क्वाटरफाइनलमा काजाकस्तानका बक्सरसँग पराजित भएपछि उप्रेती प्रतियोगिताबाट बाहिरिए। उनले १० हजार अमेरिकी डलर पुरस्कार रकम सुरक्षित गरे।
-1763886130.jpeg)
-1746009348.jpg)
