गैर आवासीय नेपाली संघ मलेसियाको जोहोर क्षेत्रीय समितिले तेक्वान्दो खेलाडी गणेशबहादुर खड्कालाई सम्मान गरेको छ।
मलेसियाको जोहोरमा विगत लामो समयदेखि आफ्नो कामको सिलसिलामा बस्दै आएका खड्काले यहि महिना काठमाडौंमा सकिएको १५औं संस्करणको अन्तर्राष्ट्रिय ओपन फ्रेन्डसिप तेक्वान्दो च्याम्पियनसिपमा (आइओएफटिसी) एक स्वर्ण र एक रजत जितेका थिए।
प्रतियोगितामा गैरआवासीय नेपाली संघ मलेसियाको तर्फबाट भाग लिएका उनले ३२ देखि ४९ वर्ष उमेरको समूहमा प्रतिस्पर्धा गरेका थिए।
प्रतियोगितामा पदक जितेसँगै उनलाई जोहोर क्षेत्रीय समितिले आफ्नो संस्थाको नाम अन्तर्राष्ट्रिय स्तरमा पुर्याएको भन्दै सम्मान गरेको हो।
उनलाई जोहोर उपक्षेत्रीय समितिका अध्यक्ष वेदना श्रेष्ठ र सचिव विनय हमालले सम्मान गरेका थिए।
-1746009348.jpg)
