२० औं एसियाली खेलकुदअन्तर्गत एथलेटिक्सको पुरुष ५ हजार मिटर दौडमा मुकेशबहादुर पालले नयाँ राष्ट्रिय कीर्तिमान कायम गरेका छन्।
उनले निर्धारित दूरी १४ मिनेट ०३.६१ सेकेन्डमा पूरा गर्दै सन् २००४ को एथेन्स ओलम्पिकमा राजेन्द्र भण्डारीले बनाउनु भएको १४ मिनेट ०४.८९ सेकेन्डको राष्ट्रिय कीर्तिमान भंग गरेका हुन्। दौडमा सहभागी १८ जना मध्ये पालले नवौ स्थान सुरक्षित गरेका छन्।
क्यानोईङ
र्याफ्टिङ एण्ड क्यानोईङको मंगलबार भएको खेलमा नेपाली खेलाडीहरु बिजय माझी र आशिष रानामगर हिट चरण पार गरी सेमिफाइनलमा प्रवेश गरेका छन्। नेपाली खेलाडीहरुले के वान कायक ईभेन्टमाभाग लिएका छन् ।
क्रिकेट
२०औं एसियाली खेलकुद अन्तर्गत टी २० क्रिकेटको नेपाल र श्रीलंका बीचको क्वाटर फाइनल खेल बर्षाका कारण रद्द भएको छ।
आइसीसीको टि-२० वरियताकोआधारमा श्रीलंका सेमिफाईनलमा पुगेको छ भने नेपाल क्वाटरफाइनलबाट बाहिरिएको छ । रातभरी पानि परे पनि बिहान खेल हुने आशमा ठूलो संख्यामा नेपाली दर्शकहरु खेल मैदान कोरोगी एथलेटिक्स पार्क पुगेका थिए । तर गेम क्यान्सिल भए पछि निराश भई फर्केका थिए ।
टेनिस
२०औं एसियाली खेलकुद अन्तर्गत मंगलबार भएका टेनिस खेलमा प्रदिप खड्का पुरुष सिंगल दोस्रो राउण्डमा पराजित भएका छन् । थाईल्याण्डका खेलाडसग खड्का ६-२, ६-२ को सेटमा २-० अंकले पराजित भएका हुन्। यस्तै पुरुष सिंगलमा नै अभिशेक बास्तोला पनि ६-२, ६-२ को सेटमा २-० अंकले काजकीस्तानका खेलाडीसंग पराजित भएका छन् ।
यता मिक्स डबल्सको पहिलो राउण्डमा स्वस्तिका बिष्ट र निसान श्रेष्ठको जोडी ईन्डोनेसियाली खेलाडी टिम सग पराजित भएको छ । नेपाली टिम ६-१, ६-१ को सेटमा २-० अंकले पराजित भएको हो। यस्तै पुरुष डबल्सको दोस्रो राउण्डमा भारतीय खेलाडीको टिम संग अभिशेक बास्तोला र प्रदिप खड्काको जोडी पराजित भएको छ । ६-२, ६-१ को सेटमा २-० अकले नेपाली जोडी पराजित भएको हो। आजको पराजय संगै नेपाली टेनिस टिमको खेल समाप्त भएको छ ।
आर्चरी
आर्चरी तर्फ मंगलबार भएको रिकर्भ पुरुषको ब्यक्तिगत इलिमिनेसनमा नेपालका तिलक पुनमगर कतारका खेलाडीसंग पराजित भएका छन् । पुनले २ अंक सुरक्षित गर्दा कतारका खेलाडीले ६ अंक पाएका थिए ।
यस्तै रिकर्भ महिला तर्फको पनि ब्यक्तिगत इलिमिनेसनमा नेपाली खेलाडी ज्ञनु अवाले पनि कतारी खेलाडी संग पराजित भएकी छन् । उनले १ अंक पाउदा कतारकी खेलाडीले ७ अंक प्राप्त गरेकी छन् ।
