दोस्रो संस्करणको एभरेष्ट महिला भलिबलको लागि ललितपुर क्विन्सले थाइल्याण्डकी वारन्या श्रिलाओङलाई निरन्तरता दिने भएको छ।
बुधबार वारन्यालाई अनुबन्ध गरेको ललितपुर क्विन्सले जनाकारी दिएको हो।
गत संस्करण ललितपुर उपविजेता हुँदा वारन्या टोलीको महत्वपूर्ण सदस्य थिइन्। दोस्रो संस्करणको एभरेष्ट महिला भलिबल लिगमा सहभागी हुन वारन्या अर्को साता नेपाल आउने छन्।
ललितपुरले यसअघि थाइल्याण्डकै सेटर पट्राथिप सान्त्रकुनलै अनुबन्ध गरिसकेको छ ।
घरेलु भलिबलमा सफल प्रशिक्षक मध्य एक उत्सव खड्काको नेतृत्वमा ललितपुर क्विन्सको टोली कोर्टमा उत्रनेछ।
टोलीको मार्की खेलाडी तथा कप्तान सलिना श्रेष्ठ रहेका छन् भने ललितपुरले अक्सन बाट संगम महतो, लक्ष्मी चन्द, सुनिता राइ, सलिना बूढा मगर, निशा चौधरी, सृष्टि खड्गी र भावना डाँगीलाई खरिद गरेको थियो।
ललितपुरले आफ्नो गुडविल एम्बासडरमा दीक्षिण एसियाली खेलकुदको तीन स्वर्ण पदक विजेता आयशा शाक्यलाई नियुक्त गरेको छ ।
दोस्रो संस्करणको एभरेष्ट महिला भलिबल लिग भदौ २० देखि २८ सम्म पोखरामा हुँदैछ।
-1742801159.jpg)
-1746009348.jpg)
