एभरेस्ट महिला भलिबल लिगमा ललितपुर क्विन्सले पहिलो हार बेहोरेको छ।
बुधबार भएको दिनको दोस्रो खेलमा ललितपुरमाथि पोखरा निन्जाजले पहिलो जित निकालेको हो।
खेलमा पोखराले ३-० को सोझो सेटमा जित निकालेको हो।
पोखराले पहिलो सेट २५-२२ ले जित्यो। दोस्रो सेट २५-१३ र तेस्रो २५-२० ले जितेपछि पोखराले खेल आफ्नो पक्षमा पार्यो।
पहिलो हारसँगै ललितपुरले फाइनलमा पुग्न कुर्न पर्ने भएको छ। आजै भएको खेलमा कर्णालीले मधेशमाथि जित निकालेर फाइनलमा स्थान बनाएको थियो।
जेनजी आन्दोलनका कारण रोकिएको लिग आजदेखि काठमाडौंमा सुरु भएको हो।
-1746009348.jpg)
