नवौं एनभिए राष्ट्रिय भलिबल च्याम्पियनसिपअन्तर्गत महिलातर्फको खेलमा नेपाल पुलिस क्लबले सशस्त्र प्रहरी बलको एपिएफ क्लबलाई हराएर अन्तिम चारम स्थान बनाएको छ।
समूह ‘बी’ को खेलमा पुलिसले ३-२ को सेटमा जित निकालेको हो। खेलमा पुलिसले २५-२१,२५-१५ लगातार दुई सेट जितेर अग्रता बनाएको थियो।
त्यसपछिको दुई सेटमा भने पुलिसले एपिएफलाई२२-२५, र २१-२५ सुम्पिएको थियो। निर्णायक पाँचौ से६मा पुलिस १५-९ ले विजयी भएको थियो।
एपिएफ भने यसअघि नै सेमिफाइनल पुगिसकेको टोली हो।
यता पुरुषतर्फ खिलजी र एपिएफ अन्तिम आठमा पुगेका छन्।
खिलजीले मंगलबार ढोरपाटन स्पोर्टस क्लबलाई ३-० ले हराउँदै अन्तिम आठमा पुग्यो। यसअघि दुबै खेल जितेको नेपाल पुलिस क्लब यसअघि नै समूह विजेताका रुपमा नकआउट चरणमा पुगिसकेको छ।
एपिएफ मणीमकुन्द भलिबल क्लबलाई ३-० को सोझो सेटमा हराउँदै एपिएफले क्वाटर्फाइनलमा स्थान बनायो।
-1746009348.jpg)
